هت زبان تي آهي بندش هت عدالت ڪانه آ
ڪيئن ملي انصاف هت انصاف سستو ڪونه آ
يا سزا بي ڏوهه ڀوڳيو يا ته باغي ٿي پئو
هت بغاوت کان سوا ٻيو ڪوبه رستو ڪونه آ.
اگر ساٿ حق جو نٿا ڏيو نه ئي ڏيو
مگر راهه حق ۾ رڪاوٽ نه ڪريو
اسان پنهنجي منزل کي رَسنداسون پاڻهي
اوهان واٽ ويندي عداوت نه ڪريو.
ڏئي منهن تي پردو نه سچ کي لڪايو
جو سچ آهي ماڻهن کي کولي ٻڌايو
غدارن کي تاريخ معافي نه ڏيندي
انهي لسٽ ۾ ڪين نالو لکايو.
واٽ خطري واري آ سوچي هلو
رات ڀي ٿي ڪاري آ سوچي هلو
راهه جي ڪا روشني بڻجي پئو
هرڪو بڻيو ماري آ سوچي هلو.