شاعري

اُماس راتيون، اُداس رستا

هي ڪتاب ”اُماس راتيون، اُداس رستا“ شاعره فهميده شرف بلوچ جي شاعريءَ جو پهريون مجموعو آهي. ساجد سنڌي لکي ٿو: ”فهميده شرف جي شاعري ۾ داخلي ڪيفيتن جي اپٽارڄڻ ته ٿڪاوٽ سان چور، بند گهٽيءَ ۾ ڦاٿل مسافر جهڙي ئي لڳي ٿي، پرفهميده شاعريءَ ۾ پنهنجي پناهگاهه جوڙي درد، هجر۽ اوسيئڙي جو اهڙو ته جهان جوڙيو آهي جو ڄڻ ته هن سٽ سٽ ۾ پنهنجي سريرجو سڳو پوئي ڀوڳنائن سان اڻٽٽ رشتو جوڙيو هجي.“
Title Cover of book اُماس راتيون، اُداس رستا

سرتي! سچ سڃاڻ،

سرتي! سچ سڃاڻ،
هيل نه ايندو وڻجارو

وکريل سپنا ياد ڪري ٿي،
روئين ڪنهن جي ڪاڻ؟
هيل نه ايندو وڻجارو

سکڻا سارا رستا ٿي ويا،
سج لهي ويو هاڻ
هيل نه ايندو وڻجارو

ڪاري رات سفر ۾ تو سان،
اوسيئڙو آ ساڻ
هيل نه ايندو وڻجارو

هاڻ ته سانوڻ ڀي ويو گذري،
تون به پَلي وڃ پاڻ
هيل نه ايندو وڻجارو
هيل نه ايندو وڻجارو