شاعري

اُماس راتيون، اُداس رستا

هي ڪتاب ”اُماس راتيون، اُداس رستا“ شاعره فهميده شرف بلوچ جي شاعريءَ جو پهريون مجموعو آهي. ساجد سنڌي لکي ٿو: ”فهميده شرف جي شاعري ۾ داخلي ڪيفيتن جي اپٽارڄڻ ته ٿڪاوٽ سان چور، بند گهٽيءَ ۾ ڦاٿل مسافر جهڙي ئي لڳي ٿي، پرفهميده شاعريءَ ۾ پنهنجي پناهگاهه جوڙي درد، هجر۽ اوسيئڙي جو اهڙو ته جهان جوڙيو آهي جو ڄڻ ته هن سٽ سٽ ۾ پنهنجي سريرجو سڳو پوئي ڀوڳنائن سان اڻٽٽ رشتو جوڙيو هجي.“
Title Cover of book اُماس راتيون، اُداس رستا

اڀري آيو اوچتو،

اڀري آيو اوچتو،
هڪڙو ننڍڙو خواب
منهنجي نيڻن ۾

تنهنجو سپنو ڇا هيو؟
مرڪيو ڄڻ ته گلاب
منهنجي نيڻن ۾

توڏي اچان هان مگر،
"اڃان آهي حجاب"
منهنجي نيڻن ۾

توبن بڻجي ويو پرين،
هر هڪ پل عذاب
منهنجي نيڻن ۾.

هن بن پڙهندو ڪير ٻيو؟
کليل هيءُ ڪتاب
منهنجي نيڻن ۾.
منهنجي نيڻن ۾.