شاعري

اُماس راتيون، اُداس رستا

هي ڪتاب ”اُماس راتيون، اُداس رستا“ شاعره فهميده شرف بلوچ جي شاعريءَ جو پهريون مجموعو آهي. ساجد سنڌي لکي ٿو: ”فهميده شرف جي شاعري ۾ داخلي ڪيفيتن جي اپٽارڄڻ ته ٿڪاوٽ سان چور، بند گهٽيءَ ۾ ڦاٿل مسافر جهڙي ئي لڳي ٿي، پرفهميده شاعريءَ ۾ پنهنجي پناهگاهه جوڙي درد، هجر۽ اوسيئڙي جو اهڙو ته جهان جوڙيو آهي جو ڄڻ ته هن سٽ سٽ ۾ پنهنجي سريرجو سڳو پوئي ڀوڳنائن سان اڻٽٽ رشتو جوڙيو هجي.“
Title Cover of book اُماس راتيون، اُداس رستا

گلاب جي ڇانوَ ۾

گلاب جي ڇانوَ ۾
مون کي اڄ به ياد آهي اهو زمانو
جڏهن آءٌپنهنجا هڙ خواب
گلاب جي ڇانوَ ۾
وساري آئي هيس
ڪجهه نه رهيو باقي،
خالي خالي هٿڙا،
خالي خالي نيڻ
خوابن جي.......!!
هاڻي ته شايد لڙڪ به منهنجا ناهن رهيا.
تڏهن آءُ خواب ڳولهڻ لڳس
پوءِ خبر پئي
ڪالهه شام ڪوئي پوپٽ
سمورا خواب
پنهنجي پرن تي کڻي اڏري هليو ويو
اڄ به آءٌ
گم ٿيل خواب ورائڻ لئه
هر چهري تي رستا جوڙيا هن.