شاعري

اُماس راتيون، اُداس رستا

هي ڪتاب ”اُماس راتيون، اُداس رستا“ شاعره فهميده شرف بلوچ جي شاعريءَ جو پهريون مجموعو آهي. ساجد سنڌي لکي ٿو: ”فهميده شرف جي شاعري ۾ داخلي ڪيفيتن جي اپٽارڄڻ ته ٿڪاوٽ سان چور، بند گهٽيءَ ۾ ڦاٿل مسافر جهڙي ئي لڳي ٿي، پرفهميده شاعريءَ ۾ پنهنجي پناهگاهه جوڙي درد، هجر۽ اوسيئڙي جو اهڙو ته جهان جوڙيو آهي جو ڄڻ ته هن سٽ سٽ ۾ پنهنجي سريرجو سڳو پوئي ڀوڳنائن سان اڻٽٽ رشتو جوڙيو هجي.“
Title Cover of book اُماس راتيون، اُداس رستا

ڪنهن سان نيڻ ملائي آئي.

ڪنهن سان نيڻ ملائي آئي.
پاڳل جهڙي ڇوڪري

ڪاري رات پلاند ۾،
اوسيئڙا چورائي آئي،
پاڳل جهڙي ڇوڪري

هڪ شهزادو ڇوڪرو،
گهورن سان اڄ گهائي آئي
پاڳل جهڙي ڇوڪري

وڻ ٽڻ ٻوٽا ۽ وليون،
منظر سڀ مهڪائي آئي
پاڳل جهڙي ڇوڪري

پنهنجي وڇڙيل پيار کي،
منزل تي پهچائي آئي
پاڳل جهڙي ڇوڪري

ڪوبه نه ڄاڻي ڪيترا،
وعده توڙ نڀائي آئي
پاڳل جهڙي ڇوڪري
پاڳل جهڙي ڇوڪري