شاعري

ڏهر منجهه ڏيئا (ڀاڱو پهريون)

هي ڪتاب ”ڏهر منجهه ڏيئا“ سيتاروڊ جي 17 شاعرن بشير سيتائي ، پيرل پرديسي سيتائي ، قادر بخش قلندر ، مجبور ميمڻ سيتائي، محمد بچل بيوس، سقراط سيتائي، مسرور سيتائي، سليم ، دلشاد بلوچ ، وسيم آڪاش سيتائي، اصغر سيتائي ، سڄڻ سيتائي ، گهائل غلام مصطفي ، شاڪر عزيز سيتائي، عزيز سيتائي ، منظور سيتائي ، ۽ ذاڪر سيتائي جي شاعريءَ جو گڏيل مجموعو آهي جنهن جو مرتب وسيم آڪاش سيتائي صاحب آهي.
Title Cover of book ڏهر منجهه ڏيئا (ڀاڱو پهريون)

منهنجي محبت جو رکيو تو نه ڀرم، سمجهان ٿو،

منهنجي محبت جو رکيو تو نه ڀرم، سمجهان ٿو،
مون تي ڇو ٿو تون ڪرين ايڏو ستم، سمجهان ٿو.

وار نظرن جو ڪري ۽ تو ورائي نه ڏٺو،
ڪير ڪريو هو، ويو ڪنهنجو هو دم، سمجهان ٿو.

تنهنجي مرضي او مٺا جيئن به هلين تون مون سان،
مان ته دنيا کان سڄڻ توکي اُتم، سمجهان ٿو.

پيار مجبور ڪبو پوءِ ڀلي ڇا به ٿئي،
پيار کي ڏوھ نه ڪو مان ڪو جُرم، سمجهان ٿو.