شاعري

ڏهر منجهه ڏيئا (ڀاڱو پهريون)

هي ڪتاب ”ڏهر منجهه ڏيئا“ سيتاروڊ جي 17 شاعرن بشير سيتائي ، پيرل پرديسي سيتائي ، قادر بخش قلندر ، مجبور ميمڻ سيتائي، محمد بچل بيوس، سقراط سيتائي، مسرور سيتائي، سليم ، دلشاد بلوچ ، وسيم آڪاش سيتائي، اصغر سيتائي ، سڄڻ سيتائي ، گهائل غلام مصطفي ، شاڪر عزيز سيتائي، عزيز سيتائي ، منظور سيتائي ، ۽ ذاڪر سيتائي جي شاعريءَ جو گڏيل مجموعو آهي جنهن جو مرتب وسيم آڪاش سيتائي صاحب آهي.
Title Cover of book ڏهر منجهه ڏيئا (ڀاڱو پهريون)

وائي 2

رات کُٽي آ، باک ڦُٽي آ،
اوسيئڙي ۾ آهن اکڙيون،
تانگهه لڳي آ، ڳالهه سچي آ،
اوسيئڙي ۾ آهن اکڙيون.

تنهنجون ڳالهيون ساري ساري،
رات ڇڏي مون روئي گذاري،
تون به نه آئين دل جي دُواري،
اوسيئڙي ۾ آهن اکڙيون.

واٽ نهاري ديد ٿَڪي آ،
تو به ٽُٻي هنئين يار يَڪي آ،
ڪيڏي ڪئي تو دل ته پَڪي آ،
اوسيئڙي ۾ آهن اکڙيون.

نازڪ آهي نينهن نويلو،
هاڻي ته ساجن آءُ سويلو،
تو بن “اصغر” آهي اڪيلو،
اوسيئڙي ۾ آهن اکڙيون.