شاعري

ڏهر منجهه ڏيئا (ڀاڱو پهريون)

هي ڪتاب ”ڏهر منجهه ڏيئا“ سيتاروڊ جي 17 شاعرن بشير سيتائي ، پيرل پرديسي سيتائي ، قادر بخش قلندر ، مجبور ميمڻ سيتائي، محمد بچل بيوس، سقراط سيتائي، مسرور سيتائي، سليم ، دلشاد بلوچ ، وسيم آڪاش سيتائي، اصغر سيتائي ، سڄڻ سيتائي ، گهائل غلام مصطفي ، شاڪر عزيز سيتائي، عزيز سيتائي ، منظور سيتائي ، ۽ ذاڪر سيتائي جي شاعريءَ جو گڏيل مجموعو آهي جنهن جو مرتب وسيم آڪاش سيتائي صاحب آهي.
Title Cover of book ڏهر منجهه ڏيئا (ڀاڱو پهريون)

نينهن لايو ٿا نڀايو ڇو نه ٿا،

نينهن لايو ٿا نڀايو ڇو نه ٿا،
ڪي قدم قربئون وڌايو ڇو نه ٿا.

ٿا محبت جي ڪيو دعوا ته پو،
دم محبت جو پڄايو ڇو نه ٿا.

هار ٿيڻي حق جي ناهي ڪڏهن،
حق جو نعرو لڳايو ڇو نه ٿا.

جيڪڏهن آهن اوهان ۾ همتون،
همتن کي آزمايو ڇو نه ٿا.

تار ۾ ڪشتي پئي پنهنجي ٻُڏي،
ساٿيو اُن کي بچايو ڇو نه ٿا.

ديس پنهنجي جا او ديسي دوستو،
چپ رهو ٿا ڇو ڳالهايو ڇو نه ٿا.

ڇا اٿوَ دلشاد مرضي دل سندي،
ڳالهه ڪا دل جي ٻڌايو ڇو نه ٿا.