20. ٻن ٻيڙين تي جو پير رکي، سو اڄ نه ٻڏي ته سڀاڻ ضرور ٻُڏي.
هيءُ پھاڪو تڏهن چيو ويندو آهي، جڏهن ڪو انسان ساڳئي وقت گهڻا ڪم هٿ ۾ کڻندو. نتيجو اِهو نڪرندو جو هو ڪو به ڪم پورو ڪري نه سگهندو ۽ جيون ۾ نا اُميد ۽ نراش ٿي پوندو. ڪيترا ماڻھو ناڻي ۽ نالي جي موهه ۾ گهڻا ڌنڌا شروع ڪندا آهن. نتيجي طور هُو ڪنھن به هڪ ڌنڌي ۾ ڪامياب نه ويندا آهن. ان ڪري سياڻا هميشه اها نيڪ نصيحت ڏيندا آهن ته هڪڙو ڪم پورو ڪري، پوءِ ٻئي ڪم ۾ هٿ وجهجي.