40. ڏٻريءَ کي مڇر گهڻا. (سنڌ، پھاڪو)
اندروني معنى: هتي ڏٻرو معنى ڪمزور انسان، جنھن کي پاڻ ۾ وشواس نه هوندو آهي. نتيجي طور هو دنيا جي ڪنھن به مشڪلات جو مقابلو نه ڪري سگهندو آهي. اهڙي ڪمزور انسان مٿان، مشڪلاتون هڪٻئي مٿان وارو ڪن ٿيون ۽ هن جو جيئڻ ئي جنجال بڻجيو پوي. حقيقت ۾ انسان کي گهرجي ته هو پاڻ ۾ وشواس رکي ۽ دنيا جي ڪنھن مصيبت جو مقابلو تمام بھادريءَ سان ڪري. پر هيءُ پھاڪو، اُنھن شخصن لاءِ چيو ويندو آهي. جيڪي ڪمزور ٿين ٿا ۽ جن مٿان، وري وري مصيبتون حملو ڪري، کين هيسائي ڇڏين ٿيون.