42. ٿڌو گهڙو پاڻ کي پاڻ ڇانءَ ۾ رکائي. (سنڌ، پھاڪو)
ساڳيءَ طرح هن پھاڪي جو اشارو، ماڻھوءَ جي سڀاءَ ڏانھن آهي. جيڪڏهن ماڻھو، نيڪ سڀاءَ جو آهي ته هر هڪ کيس پيو ڀانئيندو ۽ دل ۾ جاءِ ڏيندو آهي. جيڪڏهن ڪو ماڻھو چيڙاڪ، بري سڀاءَ يا گرم طبيعت جو آهي ته هر ڪو کانئس پيو پاسو ڪندو آهي. اهڙو ماڻھو ڪنھن کي به ڪو نه وڻندو آهي. ٿڌي ۽ سٺي سڀاءَ وارو ماڻھو، سڀني کي پيو وڻندو. هر ڪو ساڻس پيو ٻول ٻوليندو ۽ سندس ساراه ڪندو. پر جي ڪير تنگ مزاج، اهنڪاري ۽ چيڙاڪ آهي ته سڀڪو کانئس پيو ٽھندو. ان ڪري سالڪن اهو اشارو ڏنو آهي ته؛ جيڪو انسان، نيڪ ۽ سٺي سڀاءَ جو آهي سو سڀني کي وڻي ٿو ۽ هر ڪو کيس ڀانئي ٿو.