بانوِريءَ جي ٻُور جھڙي شاعري،
مُشڪ ۽ ڪافور جھڙي شاعري.
جَي جياپي جو نياپو ڏي نہ پو،
مَس-چُٽي،ناسور جھڙي شاعري.
ٿِي ڦِٽائي ننڊ آڌيءَ رات جو،
آ پرينءَ جي پور جھڙي شاعري.
خوب اوتي ٿِي نگاھُن ۾ نشا،
ڪنھن شرابي گهور جھڙي شاعري.
ٿِي اسان جَي رات کي روشن ڪري،
نينگريءَ جي نور جھڙي شاعري.
ڄامشوري جي ادائن ٿَي اُڻي،
مُرڪ ڪنھن مخمور جھڙي شاعري.
نيھن تنھنجي جا نياپا ٿي ڏِئي،
ھُوءَ پريءَ ۽ حُور جھڙي شاعري.