گينگ ريپ
۽ درد جو سمنڊُ آھي،
اُن ۾ امُن جي پنڇيءَ جا،
کنڀَ کُونڌيا ويا آھن،
ڄڻ پِرونڌيا ويا آھن،
امُن جي اُگهاڙي بدن تي،
سگريٽن جا ڏنڀَ ڏنا ويا،
وردي پوش ڊنبَ ڏنا ويا،
مارشل لا جي روپ ۾ ،
تيز ڪڙيءَ ڌُوپَ ۾،
ھيءَ جا جلي جُوءِ آھي،
۽ رت جي بدبوءِ آھي،
اُن ۾ اقتدار جي ڍونڍ جا،
۽ گند جي سمونڊ جا،
ھُو جي ڪِنا ڪيڙا آھن،
جبر جا جاءِ نشين ،
جُنوني جيوڙا آھن،
اُنھن انساني عظمتن جي،
عظيم آدرشن سان،
عوامي اُمنگُن سان،
۽ جمھوري جذبن سان،
گئنگ ريپ ڪئي آھي.