ھَوا روز خوشبوءِ ھڻي ٿي اچي،
اوھان جي ڇَتن مان ڇڻي ٿي اچي.
ڀِٽُن سان ڀِري ٿي پئي سا پرين!
ڪڪر مان ڪِري جا ڪَڻي ٿي اچي.
لڙيءَ رات کانپوءِ اسان ڏي اُٿي،
سدائين سکي ھڪ ڄڻي ٿي اچي.
ٿڌي چاندني ٿِي مَٿان ٿرَ اَڇَي،
وڳي ۾ وني ڪا وڻي ٿي اچي.
ڏسو ھُو ڏھرَ مان ننگر جي نِڱي،
پيادي ڀَڳي پدمڻي ٿي اچي.
ستارا رَئي تي سِبي رنگَرتا،
بدن بخملي ڇا بڻي ٿي اچي.
ٿَڌا ساھَ سجني ڀَري ٿِي ڀُري،
جڏھن رات يادون کڻي ٿي اچي.
ڏسي ڏُور پنڇي وري سارَ ڪا،
اوھان جي اڳي کان گهڻي ٿي اچي.
سَراپي وڃي ٿي شھر کي اگر،
ڪڍي سينڌِ ڏيئي ڦڻي ٿي اچي.