نه انتظار يار، نه ڪو الڪو بهار جو
نه انتظار يار، نه ڪو الڪو بهار جو
ڪيف ئي رهيو نه آهي ندوريءَ ڄمار جو
ڏينهن رات جا چڪر! ، اسان تي به قرب ڪر
ڪڏهن چورائي آڻ ته ڪو پل قرار جو.
هئي زندگي ڪٽجڻي، سا ڪٽجندي وئي
ڪو ساه اڌاري جو، ڪو گراهه اڌار جو.
دودن جي دلين تي هئا، اندوه ڪي ٻيا
نه تنهنجو ڀئه چنيسر! نه تنهنجيءَ ڪٽار جو.
منڊيءَ ۾ پئي جڙاءُ جيئن، جڳ مڳ ٿي جوت ڏئي
اهڙو ئي ڏيک سپني ۾ آ، تنهنجيءَ به سار جو.
گڏ هئين ته نه ڪڇئين، اکيون جهڪيون رکيئي
ڪارڻ هو ڪهڙو موڙ تي پوئتي نهار جو.