کنجري ٿي نچي، ڊڦلي ٿي نچي، چپڙي ٿي نچي،
چمٽا ٿا نچن، چوڙيون ٿيون نچن، چمڙي ٿي نچي.
گهنگهرو ٿا نچن، اکڙيون ٿيون نچن، ڇاتي ٿي نچي،
ائن پير کڄن، جئن باه مٿي ڊڳڙي ٿي نچي.
هر بت بت مان اڳڙي ٿي لهي، باڊي ٿي ٽپي،
يڪتاري سان، دهلاري جي پڳڙي ٿي نچي.
ڇا محفل آ، مدهوشي آ، موسيقي آ،
چپٽي ٿي نچي، تاڙي ٿي نچي، سڳڙي ٿي نچي.
لپ اسٽڪ آ، ننهن رڱڻي آ، مسڪارو آ،
واليون آهن، ڦلڙي آهي، هسڙي ٿي نچي.
ٿا لونگ سڏن، ايرينگ سڏن، دهري ٿي ڏسي،
بازو بند سان، چوٽي ڦل سان، پنڙي ٿي نچي.