هِن دل جي اشارن کي به ڄاڻي نه سگهينءَ تون.
محبت ڀَري ڪا موٽ اُماڻي نه سگهينءَ تون.
توکان ته ستارن جون ڏياٽيون نه گهريون مون،
پرٽمڪندڙ جگنو به ڪو آڻي نه سگهينءَ تون.
بڻجي وڃئي نه سانت جو ڪو سمنڊ زندگي،
ڪنهن جي چپن جو ڇُهاءُ جو ماڻي نه سگهينءَ تون.
هر آئينو توساڻ مخاطب ٿيو مگر،
تڏهين به پنهنجو چهرو سُڃاڻي نه سگهينءَ تون.
لوليون ڏنيون تو ٻين کي سڄي عمر ننڊ جون،
نيڻن ۾ پنهنجي خواب کي، آڻي نه سگهينءَ تون.