شام جو وڻندڙ نظارو ٿي وڃان.
مان به دريا جو ڪنارو ٿي وڃان.
پيار مان جنهن کي ڏسين هر روز تون،
اُڀ تي اهڙو ستارو ٿي وڃان.
”رنگ پنهنجي پيار جا“، تون ڏين اگر،
مان زماني کان نيارو ٿي وڃان.
تنهنجي خوشبو منهنجي ساهن مان اچي،
ايترو تنهنجو مان پيارو ٿي وڃان.
مون مَٿان نظرون هَٽائين تون، مَتان،
زندگي ڀر بي سهارو ٿي وڃان.
ساڀيان سڀ خواب ٿي ويندا اگر،
هُن جي پيرن جو مان چارو ٿي وڃان.
ڪاش ”سُندر“ جيئن نه ڪو احساس ٿئي،
ديپ بن ويران جارو ٿي وڃان.