2. آج نه ديکا لال، تو ڪل ديکون گا
ڪي موالي، قلندر لعل جي زيارت تي وڃڻا هئا. گهر کان نڪرڻ کان اڳ، هڪ چيو؛ ”ادا، چلم ڀريو ته اڳو پوءِ سُوٽو هڻي پوءِ پنڌ پئون.“
هنن پوءِ گانجي يا چرش جي چلم ڀري سُوٽون هنيون ته سڀني کي نشو ٿيو ۽ اتي ئي سمھي رهيا. ٻئي ڏينھن به ائين ڪيائون ۽ پوءِ به روز روز سوٽون هڻي سمھي پوندا هئا ۽ چوندا هئا ته؛ ”آج نه ديکا لال تو ڪل ديکون گا.“
هي پھاڪو سست ماڻھن سان لڳائبو آهي پر سياڻن جو قول آهي ته؛ ”اڄ جو ڪم سڀان تي نه وجهجي.“
ڀيٽيو: ترت دان، مھا پڃ.