110. ڪن جي ڳالھين، مير بجر مارايو.
بنياد:
هي تواريخي قصو آهي.
مير بجر، سنڌ جو حاڪم هو. ڪي صوبا جوڌپور کان آيا هئا، تن کي مير بجر جي عزيزن ميڇ ڏني ته؛ ”مير بجر کي ماري پورو ڪريو.“
هنن پوءِ مير بجر کي ڳلٿو ٻڌو ته؛ ”اسان تنھنجي لاءِ خوشخبري آندي آهي، پر ڪٿي پاسيرو ٿيءُ ته تو کي ٻڌايون.“
مير بجر کي کڙڪ به ملي هئي ته؛ ”پاڻ سنڀالج.“ پر هن اهو چتاءُ، ڪن پٺيان ڪري، هنن سان گوشي ۾، ڪن ۾ سرپر ڪرڻ لڳو. پوءِ هنن وجهه وٺي ماري پورو ڪيس.
مراد ته ڪن جي ڳالھين مان حرڪت جاڳندي آهي.