90. چورن مٿان مور پيا، اڌ ورھائي کڻي ويا.
اصل هندي؛ چور ڪي گهر مور.
بنياد:
اهو اصل هندي پھاڪو آهي. ٻنھي جو بنياد ساڳيو آهي. (روچيرام گجو مل)
ڪن چورن، ڪنھن هنڌ چوريءَ جو مال ويٺي پاڻ ۾ ورھايو. هو پنھنجي ڪم ۾ مشغول هئا ته هڪڙو مور جهٽ هڻي، هڪ موتين جو هار کڻي وين ۽ هڪڙو هڪڙو موتي ڪري ڳيھي ڇڏيائين. تنھن تان اهو پھاڪو چوڻ ۾ آيو آهي.
اھو ڪتب تڏهين آڻبو آهي، جڏهن ڪنھنکي ڪنهن اڻ سھائيندي رستي ڪجهه مالي ملندي آهي ۽ ڪو ٻيو اها سموري يا ان جو حصو تڳائي يا کسي ويندو اٿس.