دِل تان گُذري وئي ڪٽارَ هئي
ڪنهن وِڇڙي ويل جي سارَ هئي
ٻه وِهاڻا پيا ها بِستَر تي
ڪجهه سُندر گهڙين جي ڇارَ هئي
ڪي مُئلَ خوابَ وئي ڪري جيئرا
معجزو هو ڪوئي، نهارَ هئي !؟
تون نه هئين ته ائين گُذاريوسي
روشني ڄڻ اکين کان ڌارَ هئي
تُنهنجي دَرَ تان وَرياسي اهڙي طرح
هارَ وانگي ڳچيءَ ۾ هارَ هئي ؟
پنهنجي چؤڦير ئي رهين اُڏندو
هيءَ ڪهڙي مٺا !، اُڏارَ هئي
موتَ تائين نه ٿي سگهي پُوري
زندگي وياجَ تي اُڌار هئي