دوستيءَ جي روپ ۾ آ دشمني ملندي رهي،
زندگيءَ ۾ هر قدم تي بيوسي ملندي رهي.
پنهنجي سوچن ۾ سوين خنجر سمائيندي رهي،
هوءَ جيڪا روز هئي مون سان کلي ملندي رهي.
جيئن اُڃايل ٿر تي ڀُلجي ٿي وسي پئي بوند ڪا،
ايئن گهڙي پل جي اسان کي آ خوشي ملندي رهي.
پنهنجي ڪنهن ننڍڙي خوشيءَ جي لاءِ هر ڪنهن موڙتي
سنگدل توکي اسان جي سادگي ملندي رهي.
هڪ مان زاهد ٻيو مان شاعر ٽيون مان بي گهر بي وطن
رَتُ جي رشتن کان آ مون کي رهزني ملندي رهي.