اُگھاڙا خواب ....
خواب جن جي شڪل
اُگھاڙين عورتن جھڙي هوندي آهي
خواب جن کي ڪپڙا ناهن پاتل هوندا
معاشري ۾ نه هلڻ جھڙا خواب
ماڻھو پاڻ سان گڏ ڇو کڻي هلندا آهن
جسم فروشيءَ جھڙا خواب
پئسن تي گھرائي رات سُمھارڻ جھڙا خواب
ڪاڪٽيل ڪري پي ڇڏڻ جھڙا خواب
سگريٽ ساڙي دونھن ڪڍڻ جھڙا خواب
الٽي مان ڀرجي وڃڻ جھڙا خواب
آخر ماڻھو ڇو ڏسندا آهن
وڏي عمر ۾ به نابالغ خواب
مصنوعي طاقت جھڙا خواب
گھٽا ڏئي ماري ڇڏيندڙ زوري زنا جھڙا خواب
پنھنجي ئي منھن تي ڏنل بُجي جھڙا خواب
مونکي هاڻ خوابن کان خوف ٿيڻ لڳو آهي
ته ڪٿ اهڙا خواب
مونکي به اُگھاڙو نه ڪري وجھن
آئون اهڙا خواب ڏسڻ نٿو چاهيان
جن کي سُٿڻ ئي پاتل نه هجي
جيڪي پيدائش کان ئي اُگھاڙا هجن.