مَرڻَ مهل مالڪ! چپن تي، هجي شل
محمّدصه جو نالو لبن تي، هجي شل
وصيعت هي منهنجي، ٻُڌو غور سان اَڄ
نَبيءَصه جو ته ڪلمو ڪفن تي، هجي شل
قبر ۾ هجان يا ڪٿي ڀي، هجان مان
اڇو ويس منهنجي بدن تي، هجي شل
عليءَرضه جي ته دَرَ جي غلامي ڪبي پَئِي
هي جهنڊو حُسيني هٿن تي، هجي شل
هُجي پاڪ پيارو، دلارو سلامت
خدا جي ڪا رحمت وطن تي، هجي شل
هُجي شاد هرڪو، زماني ۾ پيارا
خزان جو نه پيرو چمن تي، هجي شل
ڏسان پاڪ پياري جي تصوير هردم
هي چهرو نوراني اکين تي، هجي شل
خدا جي پوي مار ڪائي ڪوڙن تي
خدا جي ڪا رحمت سچن تي، هجي شل
لکي نعت ”سرڪيءَ“، نبيءَصه جي ته سِڪَ ۾
نبيءَصه جي نگاهه ڪا ”حَسنَ“ تي، هجي شل