دوستيءَ جو قافلو، اڳتي وڌاءِ
دل لڳيءَ جو قافلو، اڳتي وڌاءِ
تو چيو هو پاڻ مون کي اُو پرين
عاشقيءَ جو قافلو، اڳتي وڌاءِ
دل شڪستو ٿي نه تون ڪنهن موڙ تي
زندگيءَ جو قافلو، اڳتي وڌاءِ
جُستجو ۽ آرزو جاري رکي
شاعريءَ جو قافلو، اڳتي وڌاءِ
جام الفت جو ڀري، مون کي به ڏي
مئڪشيءَ جو قافلو، اڳتي وڌاءِ
نياز، نوڙت، ٿي رکي معنيٰ ڪائي
عاجزيءَ جو قافلو، اڳتي وڌاءِ
ٻاٽ اوندهه ۾ ”حَسنَ“تون لاٽ ٿي
روشنيءَ جو قافلو، اڳتي وڌاءِ