جڏهن کان اوهان هي، ڇڏيو شهر آهي
تڏهن کان اسان تي، کليو شهر آهي
مَٽي مُنهن اسان کان، اوهان ڇا ويا هو
لڳي ٿو رُٺو ڄڻ، سڄو شهر آهي
نه سپنا اُهي، رُونقون اڄ ڏسان ٿو
سُڃُو ٿي اکين جو، ويو شهر آهي
سوا تو اُو سائين اسان کي قسم تي
هي ويران اڪثر، لڳو شهر آهي
چَري دل روئڻ مان نه ٿيندئي ڪڏهن ڪجهه
ڪري مَاٺِ هَلُ تون، چيو شهر آهي
نه ساڳيون خوشيون هن نه ساڳيا ترانا
ٿي موهن جو کنڊر، ويو شهر آهي
پرينءَ جو سهارو، جيئڻ جو جياپو
”حَسنَ“ خيرپور جو، مليو شهر آهي