مَنَ ۾ اُڌما، جاڳن ٿا پيا
سُورَ ۽ صدما، جاڳن ٿا پيا
ننڍ به جاڳ ۽ جاڳ به ننڍ آ
پنڇي پيار جا، جاڳن ٿا پيا
لاٽ به ٻاٽ ۽ ٻاٽ به لاٽ آ
اکين ۾ سپنا، جاڳن ٿا پيا
مُرڪَ به لُڙڪَ ۽ لُڙڪَ به مُرڪَ آ
ٽَهڪَ نرالا، جاڳن ٿا پيا
ڏينهن به رات ۽ رات به ڏينهن آ
نيڻ جُهڙالا، جاڳن ٿا پيا
نفرت، الفت، الفت، نفرت
دوست حوالا، جاڳن ٿا پيا
ڪهڙي، ڪهڙي ڳالهه ٻُڌايان؟
مون سان ڇا، ڇا، جاڳن ٿا پيا
سنسارُ سَڄُو، سڄڻ جو سَايُو
”سَرڪِي“ پارا، جاڳن ٿا پيا