جيون ٽانڊا، ٽانڊا، سائين.
گھاوَ ڏنا تو اهڙا، سائين
تو ته وڇايا آهن، هٿ سان
رستي ۾ هي ڪنڊا، سائين
مون کي اڪثر لڳندا آهن
ڪُوڪن کان وڌ طعنا، سائين
نالي ۾ رڳو بچيا آهن
پنهنجائپ جا رشتا، سائين
ڌرتيءَ جي هر هڪ ڌاڙي ۾
چورن سان گڏ پنهنجا، سائين
ڪجهه غيرن جا، ڪجهه پنهنجن جا
نانوَ کڻان مان ڪنهنجا، سائين؟
ڪهڙا ڳائي، ڪهڙا ڳايان؟
تنهجا آهن ٿورا، سائين
هر ڪو پنهنجو، لڳندو آهي
پيار جا رنگ نرالا، سائين
”سَرڪيءَ“ جهڙي، شاعر وانگي
حال نه بدليا سنڌ جا، سائين