سُونهن توکي ڏسي، شاعري ٿو ڪيان
ويهُه سامهون اچي، شاعري ٿو ڪيان
محبتون، چاهتون، راحتون، قسمتون
پَاڻَ آيون هلي، شاعري ٿو ڪيان
جُستجو، آرزو، پيار جي سڀ دَيا
پيار ۾ دل چري، شاعري ٿو ڪيان
ٽَهڪَ هلڪا ڪڏهن، شال تنهنجا نه ٿين
مُرڪَ خوشبو بڻي، شاعري ٿو ڪيان
هير ٿڌڙي صبح جي، وڻي، ٿي وڻي
ڪوُڪَ ڪويل ڪئي، شاعري ٿو ڪيان
لُڙڪ منهنجا هُيا، مَاڪَ جا ڪي ڦُڙا
رات مون سان رني، شاعري ٿو ڪيان
پيار اُتساهه بڻيو آ، لکڻ جو ”حَسنَ“
ڏات تو جو ڏني، شاعري ٿو ڪيان