دوستو! مهربانو!
دوستو! مهربانو! خدا واسطي، اهڙي قاتل نظر سان ڏسو ڪينڪي،
ها اسان مفلس تي نه آڱر سڃيو ۽ نه چٿرون ڪريو، هنءَ کلو ڪينڪي.
هن جهان کان مليون زيست کي ظلمتون، سونَ جهڙي سچي پيار کي ذلتون،
ها مُئاسين جياسين اوهان جي ڪري، ۽ اوهان کي به ڪو ڳُڻ لڳو ڪينڪي.
گيت ڳايون ته بدلي ۾ آهون ملن، رقص ڪريون ته پيرن ۾ ٻيڙيون پون،
زخم لڙڪن جا اکڙين کي ڳولن پيا، مهرباني ڪري هت کِلو ڪينڪي.
رات آهي جوان چنڊ چمڪي پيو، تارا جاڳن پيا، وقت مُرڪي پيو،
ٿورو ترسو اڃا ٿورو ترسو اَڃا، منهنجي ٻانهن کان وڇڙي وڃو ڪينڪي.
عاشقيءَ جو سفر، پُرخطر پُرخطر، عشق ئي همسفر، عشق ئي راهبر،
سرڪٽايو ته بسم الله پهرين اوهين، سِر بچايو ته اڳتي هلو ڪينڪي.