برسڻ بن بادَلَ!
برسڻ بن بادَلَ، ڪالهه لنگهي ويا ڪيترا!
پياسا ئي رهجي ويا، اَلا ترايون تَلَ
کُوهر کنڊر ٿي ويا، پٿر ٿي پيا پَلَ
هرڪنهن ماڻهوءَ جي مٿان، کُورن کاڻي کَلَ
ڪالهه ته ڪيڏي هيج مان، کاڌي انگ اُڇَلَ
اَڄُ ته سِجُ مٿي مٿان، پيرين ڌَرِ تَتَلَ
ملير موٽي مارئي، آس اها اَڻجهَلَ
ڪيئن لنگهيا هوندا اَلا، پاڻياريءَ جا پَلَ
ويڙهه وڃي ته کڻي وڃي، لِينگها لِينگها ڳَلَ
برسڻ بن بادَلَ، ڪالهه لنگهي ويا ڪيترا!