اوهانجون يار قربانيون
ممڻ ڏاڍو مچائينديون، وطن پنهنجو بچائينديون.
اوهان تي ڏنڊ ۽ ڦٽڪا، لڳيون جيڪي سزائون هي،
اهي هڪ ڏينهن تي ڏِسجو، سڀئي جرنل جُهڪائينديون.
اوهان جا جي مُئا مانجهي، اوهان کي جي لڳيون گوليون.
اوهان جي خون جون بوندون، وڏو ڪو رنگ لائينديون.
اوهين اُلڪو نه ڪو ڪريو، اوهان جو وير وارڻ لئه،
سنڌو دريا سنديون ڇوليون، مٿن گوليون وسائينديون.
سزائون سال واريون هي، ڪنديون ‘سانگي’ ڇا سوڍن کي،
سزائون هي فتحيابي، سنديون راهون رسائينديون.
* ايم آر ڊي 1983ع جي تحريڪ دوران لکيو ويو.