قلم هي ڪارا لاڪپ ۾
پو به اچي ٻڌ گارين جا آهن، تو تي وارا لاڪپ ۾.
ڪرسيءَ تي تون ڪُڏي ڪُڏي، لوڀي ويندي نيٺ ته لُڏي،
پوريندين تون ڪيسيتائين ماڻهو پيارا لاڪپ ۾.
هي جي تنهنجا جنگي فوجي، بنجي پيا سڀ ڀنگي فوجي،
هڪ ڏينهن توکي مارائيندا، پوندا سارا لاڪپ ۾.
ماڻهن پويان ماڻهو ايندا، بند هي تنهنجا ڀرجي ويندا،
جمهوريت جا جهومي پوندا، نيٺ به نعرا لاڪپ ۾.
قيد پڪي مان ڪيڏو لکيو، ‘سانگي’ سچ سمورو آهي،
پڙهجو تنهن کي دل سان دلبر، دنگ دلارا لاڪپ ۾
* ايم. آر. ڊي 1983ع جي تحريڪ ۾ گرفتاري بعد سجاول لاڪپ ۾ لکيو ويو.