اها ٿئي قوم هوشو جي
پٽي پتلون ڦاڙي جن، شمر شيطان شودي جي.
ڏِسي هت ڏاڍ ۽ ڏهڪاءُ سڄي آ قوم جاڳي پئي،
اچي پئي گوڙ سان گولي، سندم جرنيل جوڌي جي.
اڙي جابر ٻُڌي ڇَڏ تون، ڪنا ڪانئر ڪنن ٻن سان،
هڪل هڪڙي نه سهندين تون، سندم بي باڪ بودي جي.
سڙن پيون ريل جون پَٽڙيون، ٽُٽن پيا روڊ ۽ رَستا،
اها ئي ڪاروائي آ، هتي هر ڳوٺ ڳوڌي جي.
جمهوريت ۽ جيئي سنڌ جا، هڻن پيا نينهن مان نعرا،
هنن وٽ ڳالهه ‘سانگي’ آ، سرن جي ئي ته سودي جي.
* ايم آر ڊي 83ع جي جدوجهد دؤران لکيو ويو.