گسٽا ٿي وئي سوڀاري
چمچا پينل چڙهي نه سگهيو، چوٽ لڳي ٿن ڪاپاري.
هي ووٽ نه جاهل ڄٽن جو، هي ووٽ نه ڏٽن زٽن جو،
هي ووٽ آ معزز اُستادن جو، سچ جا جيڪي ساٿاري.
هي ووٽ نه چمچن چورن جو هي ووٽ نه لُچ لغورن جو،
هي ووٽ آ اعليٰ پيشي جو، جي علم ادب جا پوڄاري.
هي ووٽ نه پئسن ناڻن جو، هي ووٽ نه ويڪو ماڻهن جو،
هي ووٽ آ رانجهن راڻن جو، جي ڪونه ڪندا ڪا ڪمداري.
هي ووٽ نه داٻن دڙڪن جو، هي ووٽ نه قهري ڪڙڪن جو،
هي ووٽ آ دل جي ڌڙڪن جو، هي ووٽ جا آهن حقداري.
***1999ع گسٽا تعلقي سجاول جي چونڊن تي لکيو ويو.