سسئي پليجو ايم پي اي ٿيندي
سسئي پليجو ايم پي اي ٿيندي، ووٽن جي وسڪاري ۾.
چوهڙ جاتي کٽنداسين ۽ سوڀ سجاول ۾ پڻ ٿيندي،
هَستي مَستي هڙ ٻوڙن جي هاڻ مٽي ۾ مٽجي ويندي،
قوم سڄي آ ڪڪ جنين مان ووٽ نه تن کي هاڻي ڏيندي،
ٺڳ سمورا ٺڪا ٿيندا، ٺٽي گُجي گهاري ۾،
سسئي پليجو ايم پي اي ٿيندي ووٽن جي وسڪاري ۾.
غيرت وارا ماڻهو سارا، ووٽ نه ڏيندا ويڪائن کي،
همت وارا هڙ هاڪارا، ووٽ نه ڏيندا ويڪائن کي،
جرئت وارا جيءَ جيالا، ووٽ نه ڏيندا ويڪائن کي،
ميڙا مچندا، پاپي ڀڄندا، گچندا گپَ ۽ گاري ۾،
سسئي پليجو ايم پي اي ٿيندي ووٽن جي وسڪاري ۾.
ويهن سالن کان ته وٺي جن، لوڀين آهي لُٽيو ضلع کي،
ڪات ڪُهاڙين ڪاراين سان، ڪَٽيو ڪَٽيو ڪُٽيو ضلع کي،
موذي مرندا ڪنڌ ڀر ڪرندا، ظالم ضلعي ساري ۾،
سسئي پليجو ايم پي اي ٿيندي ووٽن جي وسڪاري ۾.
* محترمه سسئي پليجو صاحبه جي 2002ع واري چونڊ مهم تي لکيل.