منڊيءَ تي ٽِڪ
وصف وينجهار جي واهه وا، بدن بيهڪ مُنڊيءَ تي ٽِڪ.
هلڻ سهڻو کلڻ سهڻو، سڄڻ سهڻو سراسر آ،
اٿس هر هڪ الله جو سونهن، اُٿڪ ويهڪ منڊيءَ تي ٽِڪ.
مٺاڻن کان مٺيون آهن، مٺي منهنجي سنديون مُرڪون،
ڀلا ان جا ڀرون ڀانيان، ڪنڍو ٿس نڪ منڊيءَ تي ٽِڪ.
ويهي ڄڻ واندڪائي ۾، خدا ان کي ته ٺاهيو آ،
نشيلا نيڻ نرمل جا، نظر نازڪ منڊيءَ تي ٽِڪ.
سڄڻ سهڻي سندي سائين، ڪندو ساراه ‘سانگي’ ڇا،
پرين پيرين هٿين سهڻو، هڻي دل ڌڪ منڊيءَ تي ٽِڪ.