اڄ به مارئي قيد ۾ آهي
ڪالهه به سچي ثابت نڪتي، اڄ به بيٺي سينو ساهي.
ڪالهه به عُمر آزاري هُئي، اڄ به ڪوئي آزاري پيو،
ڪالهه جئيان هت اڄ به مارئي، سرتان ويٺي آهو لاهي.
ڪالهه به تنهن ٿي مارُو ساريا، اڄ به تنهنکي مارُو ياد،
ڪالهه به تن لئه واجهائين پي، اڄ به تن لئه پيئي ڪاهي.
ڪالهه هو تنهن لئه ڪوٽ عُمر جو، اڄ آ تنهن لئه لکپت جيل،
ڪالهه به مارن مان وَڌائين، اڄ به مارن مان ٿي چاهي.
* پاڪستان ملڪ جي مارئي شهيد راڻي محترمه بينظير ڀٽو صاحبه تي لکيل.