عشق مشڪل شاعري آ، ڇا ڪجي!
عشق مشڪل شاعري آ، ڇا ڪجي!
ڇوڪري ھوءَ سادڙي آ، ڇا ڪجي!
بيوفائيءَ جي بہ بدلي پيار آ،
ڇو تہ پنھنجي دل وڏي آ، ڇا ڪجي!
ھڪ طرف دنيا سنديون آسائشون،
ٻئي طرف ھوءَ سانوري آ، ڇا ڪجي!
ھڪ تہ پنھنجي ڪين دنيا سان پوي،
ٻيو وري ھوءَ ڀي رٺي آ، ڇا ڪجي!
مون ڪيون آھن گهڻيون ئي محبتون،
مون ۾ محبت، ھا گهڻي آ، ڇا ڪجي!
ھا، توھان سڀئي سياڻا آھيو،
ھا، اسان جي دل چري آ، ڇا ڪجي!
پاڻ اڻ تارو ۽ دنيا سمنڊ آ،
ناو دل جي ڀي ٻڏي آ، ڇا ڪجي!
*