سواءِ عشق جي دل کي سرور ڪھڙو آ؟
مري رڳو ملي سگهجي ٿو ڪنھن مئل سان جي،
تہ پو اچانءِ ٿو مان، موت دور ڪھڙو آ!
جڏھن تہ ھاڻ ھتي ڪين تون رھي آھين،
تہ پوءِ منھنجي ھجڻ جو ضرور ڪھڙو آ!
مزو تڏھن آ جڏھن سور ۾ مري وڃجي!
سھي جو سگهجي ڀلا سو بہ سور ڪھڙو آ!
جڏھن تون روح ۾ ھاڻي رلي وئي آھين،
تہ پوءِ ايئن رھڻ دور دور ڪھڙو آ!؟
اسان جي دل، جا اوھان جو ڪو آئينو ھئي سو،
تون ھاڻ ڏس تہ پرين! چور چور ڪھڙو آ!
پڙھيئھ نہ پاڻ، رڳو اٺّ پڙھيئھ ڪتابن جا،
وجود پنھنجي بنان ڪو شعور ڪھڙو آ!
*