پيار مان پل جي نھارين تہ ٻيو ڇا گهرجي!
تنھنجا مقتول اسان لاءِ امر ماڻھو ھن،
تون اسان کي بہ جي مارين تہ ٻيو ڇا گهرجي!
سار تنھنجيءَ جي بدن تي ڪو زخم آھيان مان،
تون صفا مون کي وسارين تہ ٻيو ڇا گهرجي!
زندگي ھيءَ ڪو درياھہ آ دھشت وارو،
تون اِھو مون کي اڪارين تہ ٻيو ڇا گهرجي!
وار پنھنجا جي پريشان ۽ اڻڀا، تن کي،
آڱرين سان جي سنوارين تہ ٻيو ڇا گهرجي!
تون ڀلي ڪين ھي سنسار اجار او پيارا!
پنھنجو اندر بہ اجارين تہ ٻيو ڇا گهرجي!
*