دھشتگرديءَ جي خلاف جنگ
ھو ٻي دھشتگردي ڪن ٿا،
باھہ وسائڻ خاطر ھڪڙي،
ھو ٻي ڪا باھہ مچائن ٿا.
ڪجهہ ماڻھن کي مارڻ جي لئہ،
ويڙھا ھو ويران بہ ڪن ٿا،
خار ھٽائڻ بدران چريا،
باغ سڄو ويران بہ ڪن ٿا.
”گوانتا نامو بي“ ۾ ڪيڏي،
ماڻھوءَ جي تذليل ٿئي ٿي.
قرآن جلڻ جو منظر ڏسندي،
بائيبل تڙپي روئي ٿي.
ھي امريڪا قاتل آھي!
ان جا ساٿي قاتل آھن!
صوم، صلوات، اذان جا قاتل،
ھي آھن انسان جا قاتل،
مائن جي لوليءَ جا قاتل،
پنھنجي ھن ٻوليءَ جا قاتل.
روزانو بمباري ڪن ٿا،
ڌرتيءَ کي ڄڻ ڪاري ڪن ٿا،
پنھنجي طاقت ساڻ سڀن کي،
ھيسائن ٿا، ڌمڪائن ٿا.
تن جو جيڪي ظلم سھن ٿا،
سي بہ بھادر ھيئن چون ٿا.
”پاڻ بہ ھيڻا ناھيون ظالم!
ھڻ ھڻ گوليون، ھڻ ھڻ گوليون،
پنھنجي ڪائي ڍال نہ آھي،
سينو آھي تنھنجي سامھون.
پنھنجو بس ﷲ ئي آھي،
جيڪو توکان ڏاڍو آھي،
پنھنجو منصف آھہ رڳو ھو،
سچو بس انصاف ڪندو ھو.“
(9/11 کانپوءِ امريڪا جي دھشتگرديءَ جي خلاف جنگ جي جواب ۾ مسلم ملڪن جي مزاحمت کان متاثر ٿي لکيل)