پرين! توکي ڀلائڻ ڀي، ضروري ٿي پيو آھي
سڀئي وعدا وسارڻ ڀي، ضروري ٿي پيو آھي.
اسان جي عشق جو سيلاب ٻوڙيندو اسان جا گهر،
انھي لئہ بند ٺاھڻ ڀي، ضروري ٿي پيو آھي.
پراڻي پيار پنھنجي جي، قبر تان اڄ اٿي پياري!
نئون ڪو نينھن لائڻ ڀي، ضروري ٿي پيو آھي.
پرينءَ جي پار جا پنڇي، اڱڻ تي آئيا جيڪي،
انھن کي اڄ اڏائڻ ڀي، ضروري ٿي پيو آھي.
پرين! توسان ملڻ، توکي ڏسڻ عادت پراڻي آ،
اھا عادت مٽائڻ ڀي، ضروري ٿي پيو آھي.
ضروري ٿي پيو آھي، اوھان کان موڪلائڻ ڀي،
اوھان کان موڪلائڻ ڀي، ضروري ٿي پيو آھي.