قاتل ڀي تون، پريتم ڀي تون، ھا دشمن پيارو تون ئي آن
برکا ڀي تون، جهولو ڀي تون، ۽ سيءُ سيارو تون ئي آن،
تون ڪجهہ ناھين، تون سڀ ڪجهہ آن، تون آنھہ فنا، تون آنھہ بقا،
تون آنھہ پرين، تون آنھہ خدا، ۽ سچ بہ سارو تون ئي آن.
محبوب مجازي تون ئي آن، محبوب حقيقي تون ئي آن،
تن تون ئي آن، من تون ئي آن، بس منھنجو سھارو تون ئي آن.
درياھ بہ تون، دھشت ڀي تون، ڇولي ڀي تون، ۽ ڪن بہ تون،
ٻيڙي ڀي تون منھنجي آھين ۽ منھنجو ڪنارو تون ئي آن.
ھو ٻيجل ڀي تون ئي آھين، ۽ راجا ڀي تون ئي آھين،
تون تند بہ آن، تون ڪنڌ بہ آن، ۽ ھو بہ ڪٽارو تون ئي آن.
آڪاس بہ منھنجو تون آھين ۽ رات بہ منھنجي تون آھين،
آن چنڊ بہ منھنجو تون ئي تون، ۽ منھنجو ستارو تون ئي آن.
*