بس ڏينھن ٻِن جو ئي ساٿ آ، پوءِ تون ڪٿي، پوءِ مان ڪٿي!
اچ پيار جي برسات ۾، وھنجي اندر ھي اجاريون،
ڪجهہ دير جي برسات آ، پوءِ تون ڪٿي، پوءِ مان ڪٿي!
ھن زندگيءَ جي اماس ۾، بس پيار ئي تہ آ چاندني،
اچ چوڏھينءَ جي رات آ، پوءِ تون ڪٿي، پوءِ مان ڪٿي!
پل پيار جا جي ملن پيا، ڀرپور اچ تہ گذاريون!
بس پيار ئي تہ حيات آ، پوءِ تون ڪٿي، پوءِ مان ڪٿي!
گل جيئن تون مرجهائبينءَ، اڏڻو مون کي بہ ڀؤنر جئن،
بس مند جي ھيءَ بات آ، پوءِ تون ڪٿي، پوءِ مان ڪٿي!
*