سوچن جو صحرا
ريل – دريءَ مان ٿو ڏسان.
پاڻيءَ ۾ ڪي پيار سان، ڇورن جا ڇپڪا،
ريل – دريءَ مان ٿو ڏسان.
من جي ميري مڙس جا، ڌوئي ٿي ڪپڙا،
ريل – دريءَ مان ٿو ڏسان.
سنڌوءَ سان ڪي واءُ جا، ڳائيندي نغما،
ريل – دريءَ مان ٿو ڏسان.
لاباري لئہ ڪل فصل، لھرائن بيٺا،
ريل – دريءَ مان ٿو ڏسان.
سونھن ڏئي خيرات ۾، پِني ٿي پيسا،
ريل – دريءَ مان ٿو ڏسان.
ريل ڏسي ڪي ٻارڙا، ھٿ لھرائن ٿا،
ريل دريءَ مان ٿو ڏسان........
ڳوٺ پڄڻ جا مان پيو، ھاڻي ئي سپنا،
ريل دريءَ مان ٿو ڏسان........