مون کي ڪري اڪيلو، ڪيڏانھن تون ھليو وئين؟
درياھہ درد جي ۾، مون کي ڇڏي ھميشہ،
ڪاھي مٺا! بتيلو، ڪيڏانھن تون ھليو وئين؟
ھا ويل ڪا وڃڻ جي، ھوندي تہ آھہ مٺڙا!
ايڏو ڀلا اويلو، ڪيڏانھن تون ھليو وئين؟
سنسان گهر ڪري وئين، ويران گهر ڪري وئين،
جيون ڪري جهميلو، ڪيڏانھن تون ھليو وئين؟
وھنجي ھڻي ڪا خوشبو، اوڍي اڇو وڳو تون،
ٿي اڄ نئون نويلو، ڪيڏانھن تون ھليو وئين!
ايڏو بہ غم ڏبو آ! ايڏو ستم ڪبو آ!
ڏئي سور اڄ سويلو، ڪيڏانھن تون ھليو وئين؟
*