تِير تنھنجي ڪمان ۾ آھي
ڇا اِھو منھنجي شان ۾ آھي؟
ھو اکين جي اڳيان نہ آھي پر،
منھنجي ھر وقت ڌيان ۾ آھي.
تو سوا ووءِ ساھہ جا سائين!
ڇا ڀلا ھن جھان ۾ آھي؟
اڄ بہ محبت سندو مٺو منھنجي،
ذائقو ھن زبان ۾ آھي.
ڪالھہ سارو گــُمان يقين ھو پر،
اڄ يقين ڀي گــُمان ۾ آھي.
منھنجي محبوب جي ڳلن جھڙو،
گل نہ ڪو گلستان ۾ آھي!
نانءُ منھنجو، اڳي اڳي تنھنجي،
ظلم جي داستان ۾ آھي.
چوڏھينءَ چنڊ جئن پرين منھنجو،
سوچ جي آسمان ۾ آھي.
ڪنڊ ۾ مسجدن جي ڇا ملندءِ؟
ھو تہ ساري جھان ۾ آھي!
ذھن ۽ دل جي خواب جو سودو،
شاعريءَ جي دڪان ۾ آھي.
شاعريءَ جي شراب جو پيارا!
بس نشو ئي بيان ۾ آھي.
*