شاعري

سرور

مسرور پيرزادي جي شاعريءَ ۾ ٻوليءَ جي سادگي، لفظن جي چونڊ ۽ عنوان، شاعريءَ جا خيال سچ تہ دلچسپ ۽ وڻندڙ آهن.  مسرور دلرباين، دلڪشين ۽ حسناڪين جو شاعر آهي. مسرور سونھن، سندرتا، سچ، محبت ۽ ڪائنات جي حسناڪين سان پيار ڪندڙ شاعر آهي. مسرور سنڌي غزل کي اوج ڏنو ڏنو آھي. سندس نظم پڻ منفرد آھن.

Title Cover of book Suroor

روئي ويٺي ماءُ

روئي ويٺي ماءُ،
تنھنجي کٽ خالي ڏسي.

ڀيڻ چوي ھر ھر پئي،
”ڪڏھن ايندين ڀاءُ؟“
تنھنجي کٽ خالي ڏسي.

ڪنھن جي نيڻن مان ڪريو،
لڙڪن سان پڇتاءُ،
تنھنجي کٽ خالي ڏسي.

ڪو نہ وڻي ٿي زندگي،
ڪونھي ان ۾ ساءُ،
تنھنجي کٽ خالي ڏسي.

گهرو ٿيندو ٿو وڃي،
روز وڇوڙي – گهاءُ،
تنھنجي کٽ خالي ڏسي.

*